ӘДІСТЕМЕЛІК ҚҰРАЛ «Арт-терапиядағы ұлттық өрнек: баланың рухани дамуының бастауы»

№ 3 ӘДІСТЕМЕЛІК КЕҢЕС ОТЫРЫСЫНЫҢ ХАТТАМАСЫ
(Білім беру ұйымының атауы)
2026 жыл, "13" қаңтар

Төрайымы: А.У. Утегулова
Хатшы: А.Н. Каратаева
Қатысқандар:  15 адам

Күн тәртібі:

Нуржанова Анара Айтбаевнаның «Арт-терапиядағы ұлттық өрнек: баланың рухани дамуының бастауы» атты әдістемелік құралын талқылау.

Тыңдалды: Нуржанова Анара Айтбаевна өз тарапынан «Арт-терапиядағы ұлттық өрнек: баланың рухани дамуының бастауы» атты әдістемелік құралдың мазмұнымен таныстырды. Автор бұл жұмыстың мектепке дейінгі жастағы балалардың рухани-адамгершілік дамуын қалыптастыруға, ұлттық құндылықтарды дәріптеуге және арт-терапия арқылы баланың ішкі эмоциялық әлемін дамытуға бағытталғанын атап өтті. Құралда қазақтың ұлттық ою-өрнектерін қолдану арқылы баланың шығармашылық қабілетін арттыру, эмоциясын реттеу, эстетикалық талғамын қалыптастыру жолдары ұсынылған. Сонымен қатар, практикалық жаттығулар, шығармашылық тапсырмалар, арт-терапиялық әдістер мен педагогтарға арналған нұсқаулықтар берілгені айтылды. Материалдардың қолжетімділігі мен күнделікті оқу-тәрбие процесінде тиімді қолдануға ыңғайлылығы көрсетілді.

Тыңдалды: Бөбекжай меңгерушісі А.У. Утегулова сөз сөйледі. Ол әдістемелік құралдың мазмұны өзекті, құрылымы жүйелі және ғылыми-әдістемелік тұрғыдан негізделгенін атап өтті. Бұл еңбектің балалардың ұлттық сана-сезімін қалыптастыруда, рухани дамуына ықпал етуде маңызы зор екенін жеткізді. Сонымен қатар, құралдың қазіргі білім беру талаптарына сай келетінін және педагогтар үшін тиімді көмекші құрал болатынын айтты.

Тыңдалды: Әдіскер Э.Б. Донбаева өз пікірін білдірді. Ол аталған құралдың арт-терапия мен ұлттық тәрбиені ұштастыра отырып, баланың эмоционалдық тұрақтылығын дамытуға ықпал ететінін атап өтті. Әсіресе, ерекше білім беруді қажет ететін балалармен жұмыс барысында бұл материалдың практикалық маңызы жоғары екенін айтты. Құралдың педагогтердің кәсіби жұмысын жеңілдететінін және білім беру сапасын арттыруға оң әсер ететінін жеткізді.

Тыңдалды: Тәрбиеші Г.К. Жумагамбетова сөз сөйледі. Ол өз тәжірибесінде арт-терапия элементтерін қолданудың тиімді екенін атап өтті. Ұлттық өрнектермен жұмыс жасау барысында балалардың қызығушылығы артып, шығармашылық белсенділігі мен эмоционалдық жағдайы жақсаратынын айтты. Балалардың ұлттық мәдениетке деген құрметі қалыптасып, эстетикалық талғамы дамитынын ерекше атап өтті. Аталған әдістемелік құралды барлық педагогтарға қолдануға ұсыныс білдірді.

Бірінші сұрақ бойынша шешім:

«Қошақан» бөбекжайының тәрбиешісі Нуржанова Анара Айтбаевна дайындаған «Арт-терапиядағы ұлттық өрнек: баланың рухани дамуының бастауы» атты әдістемелік құрал мектепке дейінгі ұйым педагогтеріне арналған әдістемелік материал ретінде ұсынылсын.

Һ7ш

Меңгеруші: __________ А.У. Утегулова
Хатшы: ______________А.Н. Каратаева